الرئيسية
من طرف الزوج :اووووووووص يا جن شغلوتنا الله يشغلكم
كثرتي في عيالك يا بنت الحلال جابو لي مرض الحكاك
صرت ما اعرف اميز هذا من ذاك
هذولا عيالي ولا عيال الجيران ولا عيال الحاره
ردي عليا برج من دماغي راح يفحط منك ومن عيالك
الزوجه:والله عيالك بس تصدق حتى وانا امهم نسيت اساميهم
الزوج:ايش!!!ايش!!!
ناسيه اساميهم يارب سترك ورضاك
طيب يا بنت الحلال اللي لابس الفنيله الحمراء
عام كم جاء
الزوجه:يمكن عام ست مائه والف قبل الميلاد
الزوج:اها يعني ولدك ذا عرف الديناصورات
الزوجه:لا عرف اصحاب الايكه
الزوج:طيب اللي لابس البنطال الاخضر ايش اسمو ...مو اسمو ولا في اي عام جاء ممكن تقولي ليش خشمه كبير تقولين خشم بعير سكران بجاز
الزوجه:ولا فيه شي انت بس اللي بيتهيا لك
الزوج :يتهيا لي خشمه مو عاجبني بروح اقصه في اقرب ورشه الولد ذا جاء ونتي توحمتي على بعير كان معدي من حينا
الزوجه:ايييي زمان عن الناقات وعلوم البعير
الحين صرنا في عصر التقدم والازدهار..
اقصد وغلاء الاسعار..
الزوج: شفتي كيف انتي نكديه !!
جالس اتسلى معك ومع المدرسه اللي انتي جايبتها كلهم ابتدائي الا مافي متوسط ولاثانوي..
شفتي كيف انتي تعكنني عليا وانا ناوي اسهر معاك سهرت (والله واحشني موت)
ليش ذكرتيني بالسعار ليش تقلبين مواجع تهد الحيل وتضج منها المضاجع
الزوجه: اي على فكره الرز خلص والزيت خلص والدقيق خلص
الزوج:دن دنه دنه خلصو علينا اكلنا!!
هاتي هاتي ها وش باقي ما خلص؟؟
الزوجه:الدجاج كنسل منهم العيال ماعادو يحبون الدجاج من بكره جيب لنا لحم..
الزوج:لحم؟؟
الزوجه :اي لحم اجل فحم
الزوج:لحم لحم وشفيها بجيب لك تكلوج لحم
او بالدلع مانيو للحم من هنا على اخر السنه تقرري ايش نوع اللحم لانه انواع ضان حاشي
طليان فيله مستورده وحيد قرن رقبة زرافه
الزوجه:بس بس يا ابن الحلال ايش هذا ناوي تفتح مسلخ..هو يا دوب كل يوم كيلو بس.
الزوج:كيلو بس ؟هههههه ضحكتيني
عارفه يا مدام انا بروح ابيع ولادك بالمزاد العلني اشوف هم يطلعو سعر الكيلو اللحمه ولا لا
الزوجه: ياي منك..حد يبيع ولاده
الزوج :ايوة ببيعهم لانهم صارو كليه حربيه سلاح ارض جو انا يادوب راتبي يغطي بس ثمن الاكل الضروري ونتي تريدي كل يوم كيلو لحمه
كان ابرك لك تزوجتي جزار وريحينا...
الزوجه:افا عليك يابو ناجي..
الزوج: من يوم جبت ناجي ما شفت خير
غلاء الاسعار ارتفع وصار فوق مستوا سطح البحر بكثير
الاقيها منين ولا منين منك ولا من راتبي اليتيم
ولا من ناجي وخوانه
اسمعي يا مدام انا بغير اسم ولدك من بكره
ماجي مو ناجي على الاقل نشعر ان عندنا شويه بهارات من شركة نستله
الزوجه: اسمع..
الزوج :نعم
الزوجه: الخميس الجاي عرس بنت خالتي
ونت عارف ايش يعني عرس وما عرس
الزوج :عارف كله طق وبق وشق هدوم
الزوجه: ايش شق هدوم ؟؟
الزوج : عشان الفستان اللي راح اشتريه لك بكره للعرس تقطعيه اول ما يخلص العرس وتقولي الفستان انقطع
عشان لما يجي عرس بنت جدتك وبنت خالتك وبنت عمتك وبنت جنكيز خان صاحبتك تقولي اشتري واحد جديد ما تروحين بالفستان الاول
حضرتك ناسيه كم عندك ولد انتي مفرخه مزرعه دواجن اللي صار ديك بس ما يصيح واللي صارة دجاجه بس ما تبيض واللي لسى كتكوت
ارحميني ارحمو من في الارض يرحمكم من في السماء
الزوجه: شكل خطبة الجمعه اثرت فيك جاي تسمعني موشح خلاص ما اريد فستان بروح بشوال احسن لي عشان يضحكو عليا ويقولون شوفو مرت فلان وش لابسه
الزوج: اشهد ان لا اله الا الله وان محمد رسول الله ليش يا مدام قالولك عني قيصر الروم ولا كسرى الفرس انا رجل عايش على قد حالي راتبي يادوب يسد حنكك وحنك عيالك
مو شايفه الجيش تبعك مو شايفه قوات المارينز اللي انتي جايبتهم
وكلو كوم وناجي وخفاجي كوم ثاني ياكلون اكل حسبي الله عليهم شايفه ناجي يبلع رغيف العيش تقولين حبة بندول ولا خفاجي شايفه ياكل بالشمال واليمين تقولين مهجر ولا ناويين نذبحه على العيد....
الزوجه : وحد الله راح تحسد عيالك وتسوي فيهم عين؟
الزوج: عين!!
لو كانت عيني تنفع كان كشحتك انتي وياهم
نص عمري نص ايش قولي ثلاثة ارباع عمري راح في شراء الخبز بس
يا مغيث..
الزوجه : خلاص هدي نفسك وريح بالك بعتذر من العرس
الزوج : ايوة تعجبيني قولي لهم جالسه اولد عندي حالة ولاده هم خابرين انتي تخلفي عن طريق البلتوث في اي وقت ممكن تجيبين فرخ ولا فرخه..
الزوجه: حسبي الله عليك بس ايش اسوي فيك..
الزوج: اقلك ايش تسوي قومي كذا ونتي شبه اسماعيل ياسين قومي وكل عام ونتي بخير سوي لنا صحن شكشوكه وتعالي نحتفل انا ونتي بيوم البيض العالمي
الزوجه: قمة الرومنسيه انت !!
حد يحتفل ببيض ؟؟
الزوج:ايوة انا ونتي احتفالنا غير ولا وش تريدي اروح اشتري شمع وترته وعصيرات الاسعار نار
نار نار نار نار نار بعدك يا حبيبي نار والله نار!!!
هكذا الدنيا كل شخص ملتهي بحياته وكل شخص له معاناته وكل اسره فيها الذي فيها
اللهم استرنا بسترك الجميل الذي سترت به نفسك ولا تكلنا الى عدو فيتجهمنا ولا الا ظالم فيحرمنا سبحانك انك على كل شي قدير
غلاء الاسعار الكل يشتكي منو الغني قبل الفقير قد من الممكن ان الغني لا يهتم
ولكن المسكين والفقير هو عليه كمن حمل على ظهره حجار ليس له منها الا التعب و تبني دار غيره
اخواني اخواتي لا اطيل عليكم فكلنا نعلم ماذا صنع غلاء الاسعار!! من السبب ولماذا؟؟
ايضا كلنا نعرف وكلنا نعيش الواقع نفسه ولاكني حبيت اذكر فذكر ان الذكرى تنفع المؤمنين ولكني اريد كل شخص يجود بما عنده من نظريات في غلا الاسعار السبب والمسبب وكيف الحلول كي نستفيد كلنا ونطلع بنتيجه كويسه.
